مسافرة ... وانتى ؟

بسم الله الرحمن الرحيم

"انا هاسافر ..."
said wa7da ba7ebaha awy

"و( ...) هتسافر بردو"
wa7da tanya ba7ebaha bardo awy
da 3'eir sa7bety el talta elly isa hatsafer bardo

...

هو فى ايه البلد كلها هتسافر ... طب مين هيفضل ؟؟؟
دى كانت احلى حاجة فى مصر ... انك وسط الناس اللى بتحبهم

كنت دايما بافكر ان الفراق هيبقى لو انا سيبتهم وسافرت ... عمرى ما فكرت انه ممكن يبقى ان هم يسافروا ويسيبونى هنا ...

<<<
دى شوية مشاعر كده على الماشى ...

بس خلينا فى الموضوع
ايه رايكو ...

1) البلد بتقع وكل حاجة ماشية غلط ... يبقى الحل انى اسافر وابدا فى مكان نضيف


ولا لأ...

2) هو ده الوقت اللى مفروض نقعد فيه ... لو احنا مشيا مين هيلحقها

او

- احنا لسه ضعاف ... نطلع نشتغل ونرجع اقويا ف ساعتها نقدر نعمل فيها حاجة ... احنا لو قعدنا فيها واحنا ضعاف مش هنقدر نقومها ... يمكن احنا نقع و الحاجات الحلوة اللى كانت فينا تضيع ...


ولا حسب كل واحد فى حد ميفرقش معاه انه يكون عايش مرتاح قد ما يفرق معاه انه يعمل حاجة يصلح بيها بلده ؟؟؟


عامة ...

أنا زيك يا هدى مش بحب الغربه خااااااااااااااااااااااااااالص ومش بحب اسافر

بس ده عشان الناس اللى بحبهم هنا

انا حتى مش بحب اننا نعزلمن بيتنا
عشان جيراننا مع ان مالناش علاقه قويه اوى بيهم

بس حكايه مصر نفسها انا عن نفسى بحس ان ما عنديش انتماء قوى ليها

او بحس ان الانتماء ده حاجه نسبيه

يعنى لو واحد اسرائيلى وجه يعيش فى مصر

حنقول عليه ما عندوش انتماء لبلده أكيد لا

ليه ؟

عشان هو مش عاجبه سياسه بلد وعشان احنا شايفين ان سياسه بلده دى غلط

فبقينا متفقين معاه ان المفروض ما يبقاش فيه انتماء لبلده

فلو بلدى دى ماشيه بطريقه مش عاجبانى وانا ماليش مكان فيها

انا عندى استعداد جدا انسحب فى هدووء

ومره برضوا كان بيتكلموا عن الهويه المصريه فى حفله زدنى

الشيخ قال "الحكمه ضاله المؤمن "

والفكره برضوا ان البلد هنا مش مشكلتها انها ضعيفه وبتمر بأزمه وانا ممكن اساعد فى حل الازمه

المشكله ان انا ماليش مكان لا جوه الازمه ولا براها

فحمشى على طول

مع انى متأكده ان مش حتهون عليا

بس حدوس على نفسى وحمشى

بسم الله الرحمن الرحيم

لا معلش لحظة

ايه الجملة دى

المشكله ان انا ماليش مكان لا جوه الازمه ولا براها

[quote]

هى المشكلة فعلا فى الجملة دى

ان بلد فى ازمة والشباب بتوعها (اهلها) شايفين ان هم ملهمش علاقة بالموضوع !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

لو احنا ملناش مكان جوه ... مين مفروض يبقى ليه ...
امريكا مثلا
ولا الناس اللى عاوزة تنهب البلد ...
ولا مييين... ؟!!!

ده بيتنا
فى ناس بتبوظه ... وابتديتت تخنقنا ... ف
هنقوم نلم حاجتنا ونمشى ؟! ده بيتنا ...!


وبعدين

او بحس ان الانتماء ده حاجه نسبيه

يعنى لو واحد اسرائيلى وجه يعيش فى مصر

حنقول عليه ما عندوش انتماء لبلده أكيد لا

ليه ؟

عشان هو مش عاجبه سياسه بلد وعشان احنا شايفين ان سياسه بلده دى غلط

فبقينا متفقين معاه ان المفروض ما يبقاش فيه انتماء لبلده

لا انا مش متفقة ...

مفروض يقعد ويصلح الغلط ده
ميطلعش الا اما يبقى مش قادر يقاوم ويلاقى ان البلد هى اللى هتاثر عليه وتغير الحاجات الكويسة اللى فيه ...

... وفى الحالة دى انا مش هاصقف له ...
انا ممكن اقبله على مضض

هو الموضوع محير أوى

بس لا شك انى اقانعت بوجهه نظرك

انتى عندك حق

بس افرضى ان انتى مالكيش حتى حق المقاومه حتعملى ايه

او لو قاومتى يبقى حترووحى فى داهيه اكييد ......

يبقى ايه الحل ؟؟

بسم الله الرحمن الرحيم

اممم
بصى
ايه رايك فى اللى عمرو خالد عمله
جرب يغيير ... اتقن اوى ماشاء الله وربنا كرمه وعمل تاثير
فاتحارب
دلوقتى بقوته دى ميقدرش يقاوم
سافر عمل لنفسه قوة اكبر
رجع اقوى
وبيحاول تانى

حاول جامد > اتحارب و قوته مش كفاية >سافر وجمع قوة اكبر > رجع و حاول تانى

بس بردو

تحسى البلد دى عشان يتصلح حالها عاوزة قلبة جامدة ... والقلبة دى مينفعش تتطلع غير من حد جواها ... حد من داخل المعصرة

حاساها تختلف من واحد لواحد ...
ممكن انا اكون اقدر استحمل الظروف وافضل محافظة على نفسى ...
ممكن حد تانى الظروف تغيره نبقى ماستفدناش حاجة ...

بسم الله الرحمن الرحيم

طب سؤال عملى

فرضا اننى قررت اعمل فيها سبع رجالة وافضل هنا واقاوم واغير

10 حاجات تساعدنى احافظ على نفسى ؟
...

على فكرة جزاكى الله خيرا يا مروة ...
ربنا يجبر بخاطرك يا بنتى


اه صحيح ويوفقك فى الامتحانات

احم احمممم
السلام عليكم ورحمة الله وبركاته يا أحلى بنات فى الدنيا
اولا مهما قلتلكم انتو واحشنى ازاى بجد مش هعرف اوصف .. بجد مفتقداكم ومفتقدة الكلام معاكم ومفتقدة احساس الصحبة الصالحة الجميل ده .. ربنا يجمعنى بيكم على خير وربنا يديم عليا نعمته اللى هى صحبتكم الجميلة دى ....
انا عايزة ابعت بقالى كتير بس التسويف ابن اللذين بقى D: .. هو تقريبا اللى مقوم الفورم هدهد و ميرو امان .. عايزة ابقى اواظب معاكم والله ومين عالم الفورم دى ممكن تكون سبب فى حاجات حلوة كتير وربنا يستخدمها.. بجد ربنا يكرمكم يابنات ويجعله فى ميزان حسناتكم..
لما قريت الموضوع ده بصراحة شدنى جداااا ... يمكن عشان انا من الناس اللى سافرت او يمكن عشان فى ايمان داخلى ان ده محور اساسى فى الإصلاح والتغيير .. بصوا انا رأييى فى الموضوع ده كالأتى .. انا مش بحب افكر فى المشكلة كمصرية .. بحب افكر كمسلمة و ان مصر دى دولة من الدول المسلمة .. بس انا كمسلمة بشوف انا هعرف انفع المسلمين فين و فى اى مكان ؟؟ فى السعودية؟؟ فى الكويت ؟؟ فى كندا ؟؟ مش مهم فين المهم انفع المسلمين .. انا مدام مش عارفة انفع المسلمين فى مصر (او بمعنى اصح اؤدى دورى كمسلمة فى الوقت ده) فى مصر يبقى اروح حتة تانية .. انا شايفة ان سفر الشباب وطلبهم للعلم واكتساب الخبرة وتطوير ذاتهم علميا ودينيا وماديا لو هيتحقق بره مصر يبقى هو ده الأنفع للإسلام فى وقتنا ده .. احنا فى فترة اعداد قوة اعداد اسر مسلمة اعداد عقول واعداد قلوب .. لو كل ده مش هيتحقق هنا او هيتحقق احسن بره يبقى بره احسن المهم يتم الإعداد ..
انا زى مروة مش بحس بانتماء لمصر انا عندى انتماء اسلامى .. انتماء للأمة الاسلامية .. وبعدين هما اللى سافروا دول مش كده ولا كده ان شاء الله يرجعوا ؟؟ بس ساعتها ان شاء الله يرجعوا اقوى بأنفسم و بذريتهم ان شاء الله وساعتها الموقف هيكون اقوى ان شاء الله و يكون التغيير اسهل .. حتى لو كان السفر بره مصر مفيش فيه ميزة زيادة غير فلوس اكتر يبقى اولى السفر فى رأيي لأن احنا محتاجين يكون فى عقول مسلمة كده معاها فلوس تستثمرها فى مصانع ICs مثلا بدل مصانع اللبان .. ومحدش هيعمل مصنع ICs غير اللى بيفكروا زينا وهمهم فعلا فى اعداد القوة مش فى الربح المادى ..
انا سايقة ان السفر ضرورة مع اللى بيحصل فى مصر دلوقتى .. ضرورة لمهندسين مسلمين عايزين ينفعوا الاسلام بعلمهم .. ضرورة لشباب عايز يعد نفسه صح ..
انا كل ما اتصل بحد فى مصر احس ان الوضع بيسوء اكتر واكتر و بمعدل فظيع يخوف بجد .. ربنا يصلح حال الأمة ويستخدمنا ولا يستبدلنا ويصلح نوايانا و يرد المسلمين الى دينه ردا جميلا .. امين..
انا بحبكم فى الله اوىىىىىىىى

يااااااااااااا ريييييييييييييييييييييييييييييييييم

بجد مش ممكن وحشاااااااااااااااانى جدااجداااجدااا لأخر الدنيا

لا وكمان راجعه فى توبيك مسافره

منوره المنتدى ييا رببم

بجد يا بنتى انا مش مصدقه انى شوفتلك رد

الحمد لله

يلا عقبال باقى الناس

بس يلا بأه ما تتأخريش علينا

عايزين تملى السايت مواضيع ورغى لحد ما ترجعى ونشووفك

وأحبك الذى احببتينا فيه
انا كمان عايزه أعترف انى بحبكم فى الله اوىىىى

وبجد وحشتوووووووووووووووووووونى كلكوا